Informasjonsmøte om ny idrettsplan tysdag 28.02.12

Kommunestyret vedtok 26. januar oppstart av arbeid med ny Kommunal plan for idrett og friluftsliv.

Det vert oppretta ei arbeidsgruppe sett saman av arealplanleggjar og representantar for ungdomsrådet, råd for eldre og funksjonshemma, Lærdal Idrettslag og Lærdal Turlag. Kultur og formidling ved kulturkonsulenten har fagansvar for planarbeidet i administrasjonen, og har sekretariatsfunksjon for arbeidsgruppa. Andre frivillige lag/organisasjonar/interessegrupper og barne- og ungdomsrepresentanten vert sikra medverknad gjennom folkemøte, eigne dialogmøte, munnlege og skriftlege innspel i planperioden, og høyringsfråsegn.

Det vert informasjonsmøte om saka i Lærdal kulturhus tysdag 28. februar kl. 19.00.

Føremålet med møtet er å informere om planprosessen, og få generelle innspel til planen og prosessen som skal settast i gang. I tillegg ønskjer kommunen innspel om konkrete prosjekt ulike lag og organisasjonar har planar om å realisere neste 4-års periode og meir langsiktig (12 år).

For å kunne søkje om spelemidlar til eit anlegg må det ligge inne i den kommunale idrettsplanen. Lag, organisasjonar og privatpersonar har høve til å koma med innspel på nye idrettsanlegg eller nærmiljøanlegg, og rehabilitering av eksisterande anlegg.

 

Framdriftsplan for arbeidet: