Kulturmidlar
Lærdal kommune kan etter søknad gje støtte til frivillige lag og organisasjonar som arbeider innan kulturområdet i kommunen. I vurderinga av søknadene vil kommunen legge særleg vekt på aktivitetsnivå, generell økonomisk evne og søkaren sitt tilbod til barn og ungdom.
Søknadsskjema for kommunale kulturmidlar ligg på Lærdal kommune si heimeside,
www.laerdal.kommune.no, under ”Skjema”. Vi vil handheve søknadsfristen strengt, og reknar med utbetaling av tilskotet før sommaren.
Rekneskap og årsmelding frå sist år skal følgje søknaden.
Søknadsfrist: 15. mars 2012
Ungdomsstipend
Lærdal kommune kan annakvart år dele ut kulturstipend og idrettsstipend til ungdom. Føremålet med stipendet er å hjelpe unge, aktive utøvarar til å søke utvikling på sitt område.
Dei som får stipend, står fritt med omsyn til bruken innan område dei meiner kan gje inspirasjon og framgang.
Formannskapet avgjer om stipendet skal delast ut, kven som skal få det, og storleiken på kvart stipend. Det vil mellom anna bli lagt vekt på følgjande ved tildeling:
· Resultat, røynsle, bakgrunn
· Utsikter til vidare framgang
· Vidare planar
Stipendkandidaten må vera busett, eller ha sterk tilknyting til Lærdal.
Frist for innsending av framlegg til ungdomsstipend: 15. mai 2012
Framlegg til kandidat skal sendast på eige
skjema. For meir informasjon, ta kontakt med kulturkontoret på telefon 57 64 12 46 eller e-post: post@laerdal.kommune.no.
