Psykisk helseteneste

• Kvar og ein som nyttar tenestetilbodet skal kjenna seg respektert, sett og forstått
• Brukarane skal oppleva tryggleik, omsorg, tillit og glede
• Brukarane skal vita at dei bestemmer over eigne liv og at dei er med å forma tenestetilbodet dei er brukarar av

I tillegg yngskjer me å gje brukarane eit fullstendig tilbod ut frå kjennskap til den einskilde sine personlege mål, ressursar og utfordringar, og samstundes koordinera desse slik at brukarane får ei god oppfølging og faren for tilbakefall vert redusert.

Dersom du treng hjelp, dagen kjennest for stri og du slit med psykiske vansker, kan me tilby :

• Samtalar
• Støtte og hjelp i heimesituasjonen
• Hjelp til sosial trening og nettverksbygging
• Etablering av kontakt med andre hjelpeinstansar

Psykiatrisk sjukepleiar nyttar storparten av tida si i direktekontakt med brukarane/pasientane av tenesta. Noko tid vert også brukt til vidareutvikling av tenesta, sakshandsaming og planarbeid. Skal også gje rettleiing til medarbeidarar i kommunen, som arbeidar med mennesker med psykiske lidingar.

Miljøterapeutane arbeidar i hovudsak med mennesker som treng langvarige og tilrettelagde opplegg for å styrkja meistring og gjeva mogelegheit for vekst. Miljøterapi i kommunen vert å hjelpa og støtta brukarane av tenesta på mange arenaer i livet

Alle dei tilsette arbeidar tett saman og kan dela på oppgåver som melder seg.
Samarbeidspartar:
Psykisk helseteneste samarbeidar med alle etatar i kommunen.
Viktigaste samarbeidspartane er likevel :
- Legane
- Heimesjukepleien og pleie og omsorg generelt.
- Helsesyster
- NAV
-Barnevernet
- Folkehelsekoordinator
- Fysioterapi
I spesialisthelsetenetsta har me desse samarbeidspartane:
- ISP – Indre Sogn Psykiatrisenter, vårt lokale Distriktspsykiatriske senter
- Førde Psyk. Klinikk – akuttinnleggingar, og
- Førde Psyk. Klinikk – avd. Tronvik – lenger opphald
Helsesyster : har 50% stilling i høve til psykisk helsearbeid med barn og unge.

Kristeam :
Kriseteamet er eit viktig samarbeidstiltak i kommunen. Teamet er:Helsesyster,lege,miljøarbeidar i skulen, presten, lensmannen,barnevernsleiar og psykriatisk sjukepleiar.
Kommunalt kriseteam skal varslast ved katastrofar, ulukker og uønska hendingar i distriktet – der ein ser at det er trong for slik hjelp.

Tausheitsplikta :
Medarbeidarane i psykisk helsevern har tausheitsplikt heimla i profesjonslovgjevinga, i kommunehelsetenestelova, forvaltningslova osv.