Noreg blir med denne ordninga det fyrste landet i verda som har lansert ei nasjonal merkeordning for berekraft på destinasjonsnivå og banar dermed veg i det internasjonale arbeidet for auka berekraft i reiselivet.

I kommunestyret torsdag kunne Maristuen orientere om at ordninga er basert på internasjonale kriteria, som har blitt utvikla og testa gjennom dei fire berekraftpilotane i prosjektet; Røros, Trysil, Vega og Lærdal.

- Dette er eit kvalitetsstempel for destinasjonane som no er blitt tildelt merket for ”Berekraftig reisemål. Desse destinasjonane viser veg i den vidare utviklinga av eit berekraftig reiseliv, uttalte Per –Arne Tuftin, reiselivsdirektør i Innovasjon Norge.

- Utviklinga av eit berekraftig reiseliv er ein av hovudmålsettinga e i reiselivsstrategien. Denne merkeordninga er eit konkret resultat av dette arbeidet og syner at Noreg no markerar seg heilt i verdstoppen når det gjeld utviklinga av berekraftige reisemål, uttalte  Nærings- og handelsminister Trond Giske om den nye ordninga.

Noreg er fyrst ute med å utvikle ei slik nasjonal merkeordning og Innovasjon Noreg har allereie hausta internasjonal honnør for arbeidet. Dei arbeidar no med at den norske merkeordninga skal bli internasjonalt godkjent.

Maristuen avslutta orienteringa i kommunestyret med å takke alle som har vore med i arbeidet med å dokumentere indikatorane og presiserte at dette har vore eit dugnadsarbeid mellom kommunen, reiselivsnæringa, Berekraftpiloten, Lærdal næringsutvikling  og politikarar.

-Alle kan vere stolte av Merke vårt , avslutta Maristuen.

SPESIELT FOR LÆRDAL

• Rik på kulturminne av nasjonal og internasjonal verdi: Borgund stavkyrkje, Kongevegen, og Gamle Lærdalsøyri med sine 161 trebygningar
• Satsar på eigen historie og kulturminne for å skape opplevingar som gjev lengre opphaldstid og nye sesongar

DØME PÅ TILTAK

• Etablert vertskap og formidlingskonsept i gamle Lærdalsøyri
• Miljøsertifisering av Borgund stavkyrkje og mange sentrale reiselivsaktørar
• Etablert «Smak av Sogn» som eit forsterka samarbeid med landbruket og ein møtestad med smak, inspirasjon og formidling av lokale matprodukt.

For meir informasjon – ta kontakt med:

Helene Maristuen, Lærdal, helene.maristuen@laerdalkommune.no Telefon +47 918 77 5651