Grunna koplingsarbeid i leidningsnettet til Lærdalsøyri vassverk, vil vassforsyninga på Lærdalsøyri, mellom sjukehusbrui og Habben, verta stengd i perioden frå tysdag 26.01.21 kl 22:00 til onsdag 27.01.21 kl 07:00.

Hugs å tappe deg vatn til nødvendig bruk. Når vatnet kjem attende, lat det renna litt i springen for å tømme røyrene for luft.

Arbeidet vil skje ved sjukehusbrui, og det kan verte noko støy frå gravemaskiner i det gitte tidsrommet. Det skal gjennomførast ei samankopling av den nye vassleidningen frå den nye vasskjelda på Hauge og eksisterande vassleidning frå Ofta.

Når samankoplinga er gjennomført og trykket er sett på igjen, vil det bli gjort ei utspyling av leidningsnettet. Utspylinga vil skje gjennom brannhydrantar og utspylingsrøyr. 

Teknisk drift beklagar ulempene dette måtte medføra for abonnentane.