Miljøretta helsevern Indre Sogn (MHV) er eit interkommunalt samarbeid mellom kommunane Vik, Årdal, Aurland, Lærdal, Luster og Sogndal. MHV består av to fast tilsette ingeniørar og fem kommuneoverlegar.
Kva oppgåver ligg til miljøretta helsevern?
Arbeidet til miljøretta helsevern skal fremme innbyggjarane si helse og beskytte mot forhold som kan føre til helseskade. Kommunen er tildelt ansvar og oppgåver som forvaltningsmyndigheit innanfor folkehelse og miljøretta helsevern.
Hovudoppgåvene er:
- Føre tilsyn i skular, barnehagar, solarier, tatoveringsstudio, basseng, frisørar, hudpleieverksemder, campingplassar med fleire.
- Sakshandsaming og rettleiing om miljøfaktorar som støy, luftforureining, inneklima, stråling, hygiene, skadedyr, med meir.
- Vurdere helsemessige forhold i planarbeid.
Fleire verksemder har meldeplikt til kommunen før oppstart eller ved endring, og nokre må søke godkjenning før oppstart.