Lærdal kommune har med seg Lærdal ferie- og fritidspark på laget som syter for show og open motorikkpark for dei minste (1.-3. klasse). I samarbeid har me fått med oss to flinke pedagogar frå "Teater Avvik" som har laga opplegg for 1.-3. klasse og tre driftige pedagogar som har laga 5 dagers aktivitetsopplegg for 4.-6. klasse.
Elevane er no godt i gang med veka, og dei har vore gjennom teaterleik, klovneframsyning, friidrett, slåball, aerobic/dans og mange andre aktivitetar. Verforholda er gode i grøne Lærdal med sol og opphald til glede for store og små. 3. klasse har hatt framsyning for foreldre og SFO på tysdag. Og på kvelden var det duka for showet "Knuff og Klem" i teltet på Lærdal ferie- og fritidspark.
