Det tyder at det ikkje er lov til å rive, bygge, endre på belysning, skilting eller etablera/endre gjerde, hekkar, vegetasjon eller skifta farge på bygningane, utan godkjenning av kommunen.

Det er krav til at det skal haldast førehandssamtale for alle byggjesaker (tiltak) i området.
Tiltakshavar vil få informasjon om:

  • Reguleringsplan for Gamle Lærdalsøyri
  • Forvaltningsplan for Gamle Lærdalsøyri
  • Krav til byggesøknaden
  • Krav til planleggjar og utførande

Buffersone

Buffersone til det verna området har bygningsmiljø som skal takast vare på som verna område, men ein skal ikkje hindre utvikling i området (kan byggja på og gjera endringar).
Det vert stilt krav til tilpassing til eksisterande bygningsmiljø og arkitektfagleg bistand.
Krav til søknad er som for verna område.

Søknadsprosessen

Alle søknader skal sendast til post@laerdal.kommune.no, som sender søknaden til uttale hjå Fagrådet for Gamle Lærdalsøyri og Avdeling for kultur hjå Vestland fylkeskommune før søknaden vert handsama i Utval for miljø og samfunnsutvikling i Lærdal kommune. 

Fagrådet for Gamle Lærdalsøyri har rådgjevande funksjon og ikkje avgjerdsrett, medan Avdeling for kultur hjå Vestland fylkeskommune er fagmyndigheit med klagerett på kommunen sitt vedtak.

Direktoratet for byggkvalitet er et nasjonalt kompetansesenter på bygningsområdet som kan gje rettleiing om søknadspliktig tiltak, om krav til  søknadsprosessen, gje tilgang til skjema (digitale og manuelle) og informasjon om forskrifter.