Tilskotsordninga skal bidra til å hindre tap av kulturminne og kulturmiljø og sikre kulturminne som bruksressursar, og som grunnlag for kunnskap, oppleving og verdiskaping. Ordninga tek sikte på å gje tilskot til istandsetting av verneverdige kulturminne prioritert av kommunane.
Det kan søkast om tilskot til faste kulturminne i Vestland som er:
- prioriterte i kommunal kulturminneplan
- vurderte av fylkeskommunen som kulturminne av regional verdi eller interesse.
Kulturminne regulert til bevaring/omsynssone etter plan- og bygningslova vert prioriterte.
Søknaden må innehalde ei kort skildring av tiltaket, med finansiering- og framdriftsplan, etter følgjande prioriteringar:
- Etablert kommunal tilskotsordning for kulturminne
- Om kommunen gjev fritak for eigedomskatt på bygg med historisk verdi
- Kulturminnet sin verdi sett i samband med tiltaket
- God framdrifts- og finansieringsplan, samt lokal forankring
Meir informasjon om tilskotet kan du finne på Vestland fylkeskommune sine nettsider.
Søknad må sendast til Lærdal kommune på post@laerdal.kommune.no innan 16. januar 2024 for kommunal handsaming av søknaden.
For spørsmål og hjelp til å fylle ut søknad, kontakt rådgjevar for kultur Guro Nesse, guro.nesse@laerdal.kommune.no eller tlf. 95 89 49 53.