Lærdal er som kjent vennskapskommune med Jeriko i Palestina, og 1.mai var det brei dugnad for å samla inn pengar til helsehjelp til Gaza i form av ein stor solidaritetskonsert i Hauge kyrkje.
Eit mangfald av musikarar både frå Lærdal og nabobygdene bidrog - kor og korps, Longhorn, ungdomsband, spelemannslag, og ikkje minst ei rad framståande einskildartistar. Bak arrangementet stod alle politiske partia, kyrkja og fleire andre organisasjonar i Lærdal.
Billettinntektene og andre gåver som kom inn i samband med konserten, går uavkorta til NORWAC, ein norsk humanitær organisasjon som arbeider med helsehjelp i Palestina og for palestinske flyktningar i Midtausten. Dei er inne i Gaza no, og dei sender stadig sine helseteam inn dit med livreddande medisin og utstyr.
![](https://img0.custompublish.com/getfile.php/5305513.2680.inistppisuqbwt/Konsert2.jpg)
![](https://img0.custompublish.com/getfile.php/5305511.2680.mitqzukbsulikn/Konsert3.jpg)
![](https://img0.custompublish.com/getfile.php/5305514.2680.zwaawj7pqwulaa/Konsert4.jpg)
![](https://img0.custompublish.com/getfile.php/5305515.2680.7azaqa7zjubjsm/Konsert5.jpg)
![](https://img0.custompublish.com/getfile.php/5305512.2680.itqnwpmqaqlwta/Konsert6.jpg)