Statens vegvesen har utarbeida framlegg til løysing for oppstillingsplass for køyretøy under stenging av Lærdalstunnelen under oppgraderingsarbeidet. Oppstillingsplassen er planlagd ved Lærdalselva over Voll bru. I tillegg det gjerast større vedlikehaldstiltak på Voll bru, så reguleringsplanen inneheld også tiltak knytt til oppgraderingsarbeidet for brua.
Statens vegvesen er i gang med å planleggje riggområde for oppgradering av Lærdalstunnelen.
Vestland fylkeskommune og Lærdal kommune har vore på fleire synfaringar, og planarbeidet er vedteke starta opp i politisk møte. Grunneigarar, Helse Førde/Lærdal sjukehus og Lærdal Elveeigarlag har vore tidleg involvert i prosessen med møter og synfaringar.
Lærdal kommune har arbeida med ein planprosess for fortetting og utviding av bustadfeltet Hanseskogen på Lærdalsøyri. Planarbeidet har har som føremål å leggje til rette for fleire bustadtomter og bueiningar på Lærdalsøyri.
Lærdal kommune har i lengre tid jobba med å få laga ny kommuneplan - arealdel for kommunen, og har fått hjelp av Norconsult til å utarbeide plandokumenta og gjennomføre konsekvensutgreiing knytt til endringane i arealføremål. Formannskapet har no vedteke å leggja framlegg til ny arealdel ut til offentleg ettersyn og høyring.
Utval for miljø og samfunnsutvikling har vedteke å leggja framlegg til Reguleringsplan for Sløgrandane, med ny golfbane og utvida masseuttak på Mo ut til offentleg ettersyn og høyring.
Dei nye eigarane av gamle Ljøsne skule har engasjert MetoPro AS til å utarbeide framlegg til reguleringsplan, for å leggje til rette for den planlagde næringsutviklinga på området. Framlegget til reguleringsplan vart handsama i Utval for miljø og samfunnsutvikling 04. februar 2021, og det vart her vedteke å leggje planframlegget ut til offentleg ettersyn.
